الاستفتاءات

كيف تعرفت علينا ..؟
Twitter
الواتس آب
Google
المنتديات
YouTube
Facebook



النتائج


الأوبريتات العامه -> أوبريت قبله النور 2013 -> أوبريت قبله النور

أوبريت قبله النور 2013

 آخر تحديث : 21 مايو 2015
 عدد الزيارات : 3343


Share it on Facebook
أوبريت قبله النور

حـــوار : طفلة الحلم: صحيح أني أطير من غيمه لغيمه.. وأتوسد القمرا وأنام... لكن ودي أزور اللي يقولون واقع... وأشوف حلمٍ تحقق للأنام... طفل الحلم : تعالي معي .. لأرضٍ صيتها... تعدا النجوم .. أرضٍ بها طهرٍ ونور.. أرضٍ بها قبلة الله للمسلمين.. أرضٍ بها خير الرجال.. أرضٍ بها شوق ومحبة.. خير ورخا.. دنيا ودين.. " معتزه " دعاء من فئات عمرية مختلفة: الطفل: يحميك ربي يا وطن الطفلة : يا أطهر ثرى وأطيب سكن الشاب: يا نور من شمس النهار ..... يا مجد سابق للزمن الأم : ونخـْـلتـْك لا هـزّيتـها ..... تثـمر من أجـيال الوطن الرجل : والمئذنة سبابة التوحيد في عين الفتن " مستوره " غنـــاء : حــيّ أرضٍ أنجبت خيـر الـــورى موطني يا حضن بيت الله وديـنه انت قدرك ما يباع وينشــــــــــرى يا طهر مكــــــة ويا نور المدينه يا صـباح المجــد منتب من ثــرى زاد ربــي فيــك نعــمة شـاكـرينه من ذراك الـــوحي فالــعــالـــم ذرا نــور والتاريخ وضّــاحٍ جــــبيـنه وفّق الله مـــن لــتــوحـيـدك ســرى من تــوكل واســتعان الله يعـينه من كفــخ صقـر الجــزيرة وانبـرا والحـكم والــدار في ايدينٍ أمينه للسعودية ولانا .... ما نوالي غـــــــــيرها وكل ما زدنا غلانا....زاد فينا خــــــــيرها وجهها الصافي سمانا ....والنجوم تنيرها " مستوره " غنـــاء : يا وطـن حدث بفضل الله علـيـنا وكل دارٍعــــزها وحـــدة أهلهـــا عــاش عـز بلادنا مـــنا وفــينـا عاش أبو متعب بخفاقه حـملهـــا باسم أبو متعب ووقفاته سميـنا المــليك اللــي يبــلّغـهـا أملهــــا دارنا من نبعها الصافي رويــنا دارنا اللي صـدقهـا مـيّز عمـلهــا قصّتِك في الحب أروع ما قرينا يـوم عشـق جـبالها ظلل سهـلهـا " مستوره " لوحة الملك الأب حـــوار : الطفل: دايم مـعـك وتشيلنا ويـن ما كنـت الطفلة: ونشوف معك الكون من فوق قمة الشاب: رحـيم لكـن فـالـشـديــدات ما لـــنت ياللي حـمـلت هـمـوم موطن و أمة الرجل: بالصدق والإحسان والحب حصّنت شعب اتحد مثل الجسد وانت دمّه " مستوره " الطفل: من إنتم؟ ياللي هناك.. من إنتم؟ طفلة الحلم :جينا من الأحلام .. نشوف أرض الخير طفل الحلم : من إنت؟ خبرنا من إنت؟ الطفل: أنا سعودي .. وخذت العزم من جدودي.. الشاب: كلنا بهالديره أهل واخوان.. وابونا عبدالله القايد.. أب وملك وانسان .. الرجل: هو قلبنا وحنا الصدر.. هو عزنا.. وكل الفخر.. " معتزه " غنـــاء : عــاش أبــونا درع جاره والعــرب والمـسلمـيـن يعْـقــد الخـيـر بـــقـراره كـــنـّه الفــتــح المبـين صوت أبو متعب بشارة فيه نخوة .. فيه ديــن النــجــم هــــذا مــــداره بيــن قــلب وبين عين " مستوره " غنـــاء : القلم من رهبته في الكف حار . مالمهابه سَطْر الابيات انتِفض . وش بيكتب فيك يا وجه النهار . وانت فعلك في سما العليا عرض . العطوف المؤتمن حامي الديار . كل مجدٍ لا طرى اسمه نهض . غيرته للحق تقويم المسار . وكل قلب بحب (أبو متعب) نبض . نسألك يا الله في سر وجهار . تحفظه من كل شرٍ يعترض . اسم (عبـدالله) وللمـجـــد اختصــــــــــــــــــار ويـا عساه المــــجـد يــوفـــي بـــالغــرض! " معتزه " غنـــاء : يا نبـض في كل القـلوب كـيــف فعــلك نجهــله وانـت غيـمـك والهـبوب بكـل خــيـر مـرسـلـــة ربـي يجــزى مـا بـذلت بكـل خــيــرٍ تـــصنـعه وبارك الله مــا وضعـت من حجر في التوسعة يــا أبــوي وســيــــدي يا عسى نرد الجـميـل هــذا قــلبي في يــــدي لقــدرك الغــالي قـلـيل " معتزه " سمحٍ وله هيبة هو منبع الطيبة لا بان ابو متعب كلٍ يهلي به " مستوره " غنـــاء : عـونِك وانا وليدِك سند اللي على ارضِك سجــد امشي على درب النـبي المختار في أطهر بلـــد واقـــرا وتاريخـــــك نقا للـــي زرع واللـي سقـا والأم جـــدّلها الشـــقـــا وأنــا لـها أوفــــى ولــد " مستوره " غنـــاء : يمـّــه وأنا شمسٍ تنــفس بهـا فجــر و تفـتح لي آفـاق المعـالي سـماها أمشي على أرضك كأني على صدر غيمة توضّا الصبح من طهر ماها بنت ولهـا بالديـن وبقـــادتك فخــر لا بـــدّ تــرفــع من بعــلــمه بناهـا " مستوره " لوحة الأميرة نوره بنت عبدالرحمن (رحمها الله) إلقاء إذاعي : اعتِزي بي ،، اعتِزي بـي اعــتِزي باسمي وطيبي مثل ( أخو نوره ) اعتزىَ يفتخر بي ،، ينتخي بي " معتزه " غنـــاء : وعزّ الفتاة بخــيـّها لا قال يالله حــيّها تبني معه .. ترقىَ معه تبســط لدربه فـيّـها لا صاح " نوره " نوّرت كل الشموس بضيّها حـــوار : طفلة الحلم: نـــوره؟ الطفل : إيه نوره الرجل : كل بنتٍ في وطنا اليوم نوره اسم في مجد الوطن يفرض حضوره طفلة الحلم: وين نوره؟ ....أي نوره؟ .....وليه نوره؟ " مستوره " إلقاء إذاعي : الأميرة / نورة بنت عبد الرحمن بن فيصل آل سعـود ..أخت المؤسس الملك عبد العزيز رحمهما الله.. آزرته بشجاعتها وحكمتها وسديد رأيها .. ورافقت أخاها في مواقف البطولة ومراحل تأسيس وبناء هذا الكيان الشامخ .. لها وقفات مشهودة سجلها التاريخ بمداد من نور.. نورة .. شموخ وعطاء .. وسلسلة من المآثر والكفاح .. ستظـل سيرة هذه المرأة الفاضلة نبراساً ساطعاً ، وستبقى رمزاً خالداً في ذاكرة هذا الوطن.. " مستوره " حـــوار : طفلة الحلم: كيف قرّبها وتوجّها وليه؟ الـرجل : لانّها القلب الرحيم ... ولانّها العقل النبيه " مستوره " غنـــاء : نورة علامة فارقة في وطنّا يشهـد لها تاريـخ تــوحــيـــد دولة كانت على يمنى شجاعٍ تعنّا للمجــد تسـرج للمــعــالي خـــيوله والحمد لله جت على ماتمنى وبهـا اعتزىَ في كل موقف بطولة " مستوره " لوحة " المرأة والشورى" غـنـــاء : وكل مرأه فاضله . بالعز تربطها صله . في رايها شورٍ حكيم . لكل مجدٍ توصله . أمرهم شورى صريحه . للنساء وللرجال . وجاء في السنه الصحيحه . نص ناهي للجدال . شرعنا الطاهر يبيحه . طبّقه (ذرب الفعال) . ويبشر بصدق النصيحة . وراي مخلص باعتدال . " معتزه " ( صوت الأم ) .. إلـقــاء (طفلة ) : ولي أمٍّ أسمع صوتـها يضــجّ وسط سكـوتها في يســرها تحكـي لنا عـن أمس شـحّ بقوتها إلـقــاء (الأمّ ) : تـتـــقـــدم الأمــة مــتــى مـا تـقــــدمــت واليـــوم يـــبــدا من أشــعــــة صـبـاحي من قــبل يصحــى الفجر يا بنيتي قمت أطــوي فــراش الخـوص وابسط جناحي ما نام في عيــني تعــب أمــس لو نـمت ذكــرى العـــنا وشــلـون تطلق سراحي ما ادري رجعــت لأمــس والا تحـلمـت إنـي ســبقــت النــور يــمّ الضــواحـــي واني عــلـى ســاعــات يـومي تقسـّـمت بيـــــن الســدو والبـيـر يســعى كـفاحي أرعىَ،وأربّي، واحمل الهـــم في صمت ويخيط صبري ما انفتق من جــــراحي علّمت جــيــل المــجــد لوما تعـــــلّمت جــاهــد طمــوحي ليــن حقــق نجــاحي وإن كـــان عــن عهـد الرخـا ما تكلمت نـــاظِــرْ ،وتحــكي لك جمــيع النــواحي " مستوره " غـنـــاء : يا دارنا دربِك خضـار يا شــامخـة بين الديار بارضٍ تنفس صدرها فـي ليل هالعالم نهـار والأم فيـها مـدرســـة تبني وتحظى بالوقــار عــظــيمة أمٍ خـرِّجــت مــن كــبر همتها كبار " مستوره " لــوحة الفــتن غنـــاء : لا تَجَــاهُل لا تَسَـــاهُل***الشـرور لْها مداخل للفتن معنى يقول *** (لا اختلط حقٍ بباطل) الفــتن جهــل وظـلام ***افتــراقٍ وانقــسام إنزع العتمة وشوف*** لا يضلّلْك الغمام احفظوا دين وكتاب *** واغلقوا للشرّ باب والزموا صفّ الجماعه *** لا يضيّعكم سراب للمعالي للفلاح ***سيروا لفجر الصباح بالمبادي والقِيَم*** ما تِسَيِّرْنَا الرياح بعّــد الله عــوقنــا *** وجمّع الله شملنا وحّد الله هالقلوب *** تحت راية شيخنا ربي يكفينا الفتن ***ما ظهر منها وبطن طال عمرك يا ملك ***ودام عزك يا وطن " معتزه " بلسان أرض السعوديه غنـــاء : يا عيالي يا عيالي *** يا اغلى من روحي ومالي ذا وطنكم اسمعوا له *** كلمة الغالي لغالي انتم عيالي ودمي *** انتم أحلامي وهمي لا انْتَخيت بكلّ واحد *** لبّت عروقه بـــ سَمّي انتم ذراعي يميني *** انتم القُرَّه لعيني ما يخيب الظَّن فيكم ****يا رِجا عمري وسنيني " معتزه " إلـقــاء : الرجل: ياوطنا.. يا ثبات لراية التوحيد فـ الراي وعملنا.. يا وطنا الشاب : يا وطنا : والشِعار سيوفنا تحمي نخلنا.. يا وطنا الطفل : أرض كل الخير داري ... يا جديرة بافتخاري الطفلة: خارطتها وسط قلبي ... عـزّها شمس لنهاري " مستوره " غنـــاء : ويا وطن كل الجهات بوحدتك مضرب مثال يا جسد واحد عظيم القدر يا سمح الخصال كلما زدنا تلاحمنا نزيد العـزّ هيبة وكلما تحرث ثراك الشمس ، ينبت لك رجال يا سعودية فديتك .. روحنا والعين بيتك كل ما مرّيت قلب أبيض على عرشه لقيتك يحرسك رب الأنام .. بعينه اللي ما تنام يا بلد دين المحبة .. يا حمى البيت الحرام " مستوره " لوحة ( الفقيدين ) رحــلت يـا سلطــان والعـين تبكيك حتى الوفـا والطيب تخــنِقْه عبــره كــل ابتــسامه منــْك تبكي وترثـيك يا الله تجــبر كـسر من عـــزّ جبره أبو اليتــامى والضعـوف المهاليـك عـــز الأرامـــل كــل خيــرٍ بفـجـره يا الله تــرحم من فعــايلْه ترضــيك وابعــثْه عنــدك بابتـسامـات ثغـره سبعة شهور ونقّض الحزن طاريك النــايف اللــي راح بالقلب حسـرة واعينــي اللي دمعها دم وشـفـيـك؟ تبكــين راس ما يعـــوّض بقـــدره خليـتنا وحــنا عجـــزنا نخــليـــــك يمـــوت نايفـــــنا ولا مــات ذكــره هذا القـــدر مكــتوب ربي ولاقــيك رب خلــقــنـا وارتضــينا بـــأمــره ماجـور يا بو متــعب الله يجــزيــك ويخفف المولى ويلهمْـك صـــبـره يا هالوطن أوفى رجالٍ سعوا فــيك محظوظ بك تاريخ يطـريك سطـره لوحة سمو ولي العهد الأمير/ سلمان بن عبدالعزيز حفظه الله بــلادي إزهــي بثـــوبك وفــــزّي للوفــا سلمـان وفــوحي يا مبــاخرنا بعـــــود العــزّ وعـطــوره ولــي العـهــد مـن مثـله بفعـله تفخــر القيــفــان ســداد الــراي والحكـمــة تبـــان بفعله وشـوره جزا الله عنــنا شيخٍ حَمَــل ثقــــــــلٍ بكـل إحسان ولو يجحــد قليـل الشـوف يشـع الطيب من نوره وتبقى يا ذرا العارض ذخر أرضك عـن العـــدوان رعـــاك الله يا درع الوطــن وحــزامه وســــوره على يمنــى مليــك الخيــر أبو متعب عزيز الشان عسى الله يرحم معـــزّي ويحفـظ نادر صـقوره لكم بقــلـوبنا بيــعــة وعلى صدر الوفــــا عــرفان ســلام الله علــى رجـالٍ غــدت بالدين منصـوره العـرضـة السعـوديـة غنـــاء : قـــدّام ياهـــل العــلم والعــزم قــدّام ناصل،وشــرع الله قـــايد خـطــــانا هنا ارتفــع بالـوحي مـقـدار الاقـلام سـرى الضـيا في دمـنا من هـــوانا واســـم السعودية لمع بين الأعــلام من نور أبو متعب فـ صفحة سـمانا قايد طـوى انجازه مساحات الأعوام وبســــط ذراعيـن الأمــل واحـتوانا ســيفٍ بــريقــه عـدل وإقدامه إقـدام وسّــع طمــوحـه للمـــعـالي مـــدانا يسلــم نصــيـر الحـق, سبّاق ,عزّام هـو صــوت نبـض قلوبنا في دعانا يسـلم ســــند كــل الأرامـــل والأيتام يسـلم حبـيــب الشعب حامي حـمانا مــادام ســالم ،يبـــتسم وجـــه الأيام تضحك لنا الدنيـا وتهــتف مــعـــانا " مستوره "


البحث

اغاني عشوائية

القسم :
العدد :
المتواجدون الان

يتصفح الموقع حاليا 16 زائر , 0 عضو

أكبر تواجد كان 150 في :
26-Apr-2016 الساعة : 23:46

جميع الحقوق محفوظة لـ : موقع الفنان خالد عبدالرحمن © 2019
برمجة اللوماني للخدمات البرمجية © 2011